டிசிகாப் பள்ளியில் நான்

அனைவருக்கும் வணக்கம்! என் பெயர் பாலாஜி, நான் தமிழ்நாட்டின் கலாச்சார செழுமை மிக்க நகரமான திருச்சியிலிருந்து வந்துள்ளேன். எனது முதல் வலைப்பதிவை எழுதுவதில் நான் மிகவும் மகிழ்ச்சியடைகிறேன். தற்போது நான் டிசிகாப் பள்ளியில், தொழில்நுட்ப பயிற்சி பெற்று வருகிறேன்.

இந்த வலைப்பதிவில், என் வாழ்க்கைப் பயணம், என் நினைவுகள், என் ஆசைகள், என் அனுபவங்கள் மற்றும் இதுவரை என்னை வடிவமைத்த அனைத்தையும் பகிர்ந்து கொள்ளப் போகிறேன். ஒவ்வொரு தனிநபருக்கும் ஒரு தனித்துவமான கதை இருப்பதாக நான் நம்புகிறேன், இது என்னுடையது.

பள்ளி வாழ்க்கை

எனது ஆரம்ப பள்ளி வாழ்க்கையை எஸ்.ஏ.எஸ் மெட்ரிகுலேஷன் பள்ளியில் தொடங்கினேன். அங்கு நான் மகிழ்ச்சியான மற்றும் மறக்க முடியாத பல அனுபவங்களை பெற்றேன். ஆசிரியர்கள் முன்னிலையில் நான் அமைதியான மற்றும் கீழ்ப்படிதலான மாணவனாக அறியப்பட்டேன். ஆனால் என் நண்பர்களிடையே, நான் முற்றிலும் மாறுபட்ட நபராக இருந்தேன் – மகிழ்ச்சியான, சுறுசுறுப்பான, மற்றும் எப்போதும் வேடிக்கைக்குத் தயாராக இருப்பவன்.

விளையாட்டுத்தனமான வகுப்பறை குறும்புகள் மற்றும் தீவிரமான விளையாட்டு தினப் போட்டிகள், மற்றும் பள்ளி விழா நிகழ்வுகளில் பங்கேற்பது. ஆரம்பத்தில் முழுவதுமாக விளையாடுவது தேர்வுகளுக்கு முன்பு குழுவாகப் படிப்பது என ஒவ்வொரு கணமும் என் வாழ்வில் மறக்க முடியாத அனுபவமாக பதிந்துள்ளது. மதிப்பெண் அட்டை பெறும் பரவசத்தையும், பள்ளி வாழ்க்கையை உற்சாகப்படுத்திய பல வெற்றிகளையும் நான் இன்னும் தெளிவாக நினைவில் வைத்திருக்கிறேன். பள்ளி நாட்கள் முடிந்திருக்கலாம், ஆனால் அதன் நினைவுகள் என்றென்றும் என் மனதில் இருக்கும்.

மேல்நிலைக் கல்வி

நான் மேல்நிலைப் பள்ளியில் அடியெடுத்து வைத்தபோது, வாழ்க்கையில் அதிக கவனம் செலுத்த வேண்டும் என்று உணர்ந்தேன். இருந்தாலும் என்னுடைய விளையாட்டு குணம் மாறாமல் இருந்தது. நானும் என் நண்பர்கள் சிலரும் எப்போதும் ஒன்றாக இருப்போம்.

நானும் என் நண்பர்களும் குறும்புக்காரர்கள் என்ற ஆசிரியர் மத்தியில் பெயர் பெற்றிருந்தோம். பலமுறை அவர்களிடம் திட்டு வாங்கியதும் உண்டு. ஆனால் படிப்பைப் பொறுத்தவரை, நாங்கள் எப்போதும் சிறந்த மாணவர்களில் ஒருவராக இருந்தோம். வேடிக்கைக்கும் பொறுப்புணர்வுக்கும் இடையிலான இந்த சமநிலை என் பள்ளி வாழ்க்கையை மறக்க முடியாததாக மாற்றியது.

கல்லூரி நினைவுகள்

கல்லூரி என் வாழ்க்கையில் ஒரு திருப்புமுனையாக இருந்தது. அது எனக்கு சுதந்திரம், தற்சார்பு மற்றும் என் சுய ஆற்றலை கண்டுபிடிக்க உதவிய களமாக இருந்தது. நான் கணினிப் பொறியியலில் டிப்ளோமா படிப்பை படித்தேன். இது என் வாழ்க்கையை வடிவமைக்க உதவியது மட்டுமல்லாமல், என் தனிப்பட்ட வளர்ச்சிக்கும் பெரிதும் பங்களித்தது.

இரவு நேரப் பணிகள், சிற்றுண்டி சாலையில் அரட்டை அடிப்பது, குழு திட்டங்கள் மற்றும் வார இறுதிப் பயணங்கள் – இவை அனைத்தும் என் கல்லூரிப் பயணத்திற்கு வண்ணம் சேர்த்தன. குழுப்பணி, நேர மேலாண்மை போன்றவற்றை இங்கு கற்றுக்கொண்டேன்.

என் தொழில் பாதையைக் கண்டறிதல்

ஆரம்பத்தில், எனக்கு இயந்திரவியல் துறையில் ஆர்வம் இருந்தது. இருப்பினும், என் டிப்ளோமா படிப்பின் போது வெவ்வேறு பாடங்களை ஆராய்ந்தபோது, கணினிகள் மற்றும் மென்பொருள் மேம்பாட்டில் நான் அதிகளவில் ஈர்க்கப்பட்டேன்.

இந்த ஆர்வம் பைத்தான் (Python) மொழியை என்னை கற்க தூண்டியது மற்றும் தொழில்நுட்பங்களுடன் பணிபுரியும் பின்தள மேம்பாட்டில் நிபுணத்துவம் பெற வழிவகுத்தது. இந்தக் கருவிகளைப் பயன்படுத்தி பல சிறு திட்டங்களை நான் முடித்துள்ளேன், ஒவ்வொன்றும் என் நம்பிக்கையையும் தொழில்நுட்ப திறன்களையும் வலுப்படுத்தின.

டிசிகாப் பள்ளியில் எப்படி சேர்ந்தேன்

எனது டிப்ளோமா தேர்வுகளை முடித்த பிறகு, நான் ஒரு குழப்பமான நிலையில் இருந்தேன். எந்தப் பாதையைத் தேர்ந்தெடுப்பது என்று தெரியவில்லை. இந்த நேரத்தில், என் விரிவுரையாளர்களில் ஒருவரான அனுஷியா அவர்கள், எனக்கு வழிகாட்டுவதில் முக்கிய பங்கு வகித்தார். டிசிகாப் என்ற நிறுவனத்தின் பயிற்சி மற்றும் மேம்பாட்டு முயற்சியான டிசிகாப் பள்ளியில் உள்ள வாய்ப்புகளை ஆராயுமாறு அவர் பரிந்துரைத்தார்.

என் நண்பர்களில் சிலர் சென்னைக்குச் செல்லத் தயங்கினாலும், நான் அந்த வாய்ப்பை நம்பினேன். உறுதியுடன், நான் அந்த நேர்காணலை கலந்துக்கொள்ள விண்ணப்பித்தேன். நான் திறனாய்வுத் தேர்வுகளில் சிறப்பாகச் செயல்பட்டேன். இறுதியில் என்னை அவர்கள் பள்ளி திட்டத்தில் சேரத் தேர்ந்தெடுத்தார்கள். நான் வீட்டிலிருந்து விலகி தனியாக வாழ்வது இதுவே முதல் முறை. ஒரு பக்கம் பதட்டமாக இருந்தாலும் உற்சாகத்துடன் இந்த பயணத்தை மேற்கொண்டேன்.

பயிற்சி தொடங்கியது

டிசிகாப் பள்ளி என்பது 18 மாத பயிற்சி திட்டமாகும். முதல் பன்னிரெண்டு மாதங்களில் எங்களுக்கு முதலில் தொழில்நுட்ப திறனில் பயிற்சி அளிக்கப்படும். பின்னர் ஆறு மாத வேலை பயிற்சி. ஆரம்பத்தில் எனக்கு இந்த சூழல் புதியதாக இருந்தது, மேலும் வேறு நகரத்தில் வாழ்வது என்பதே ஒரு கற்றல் அனுபவமாக இருந்தது.

எச்.டி.எம்.எல் (HTML) மற்றும் சி.எஸ்.எஸ் (CSS) போன்ற அடிப்படை தலைப்புகளுடன் எங்கள் கற்றல் பயணத்தை நான் தொடங்கினேன். பள்ளி பயிற்சியாளர்களின் அமர்வுகள் ஈடுபாட்டுடன் இருந்தன. மேலும் நடைமுறைப் பணிகள் கருத்துக்களை முழுவதுமாக புரிந்துகொள்ள எனக்கு உதவியது.

எச்.டி.எம்.எல் (HTML) & சி.எஸ்.எஸ் (CSS) மதிப்பீடு

எச்.டி.எம்.எல் (HTML) மற்றும் சி.எஸ்.எஸ் (CSS) மொழியில் எங்கள் முதல் மதிப்பீடு நடந்தபோது, நேர மேலாண்மையின் முக்கியத்துவத்தை நான் உணர்ந்தேன். உள்ளடக்கம் தெரிந்திருந்தபோதிலும், நேரத்தை சரியாக பயன்படுத்தாததால் நான் மதிப்பெண்களை இழந்தேன். இந்த அனுபவம், கற்றல் என்பது கருத்துகளை அறிவது மட்டுமல்ல திறமையாகவும், சரியாக முடிவெடுத்தல் ஆற்றலை பெறுவதும் தான் என்பதைக் கற்றுக் கொடுத்தது.

ஜாவாஸ்கிரிப்ட் கற்றல்

அடுத்து, நாங்கள் ஜாவாஸ்கிரிப்ட் மொழியை கற்க தொடங்கினோம். இது தர்க்கரீதியான சிந்தனையின் ஒரு புதிய உலகத்தை எனக்கு அறிமுகப்படுத்தியது. எங்கள் பயிற்சியாளர் எங்களுக்கு குறியீட்டு சவால்களை வழங்கினார் மற்றும் குறியீடு சிக்கல் தீர்க்கும் தளங்களுக்கு எங்களைப் பரிந்துரைத்தார். இது என் திறமைகளை மேலும் மேம்படுத்த உதவியது.

குறியீட்டிற்கு அப்பால்

புத்தக வாசிப்பது, வலையொலிகள் கேட்பது, கலந்துரையாடல்களில் பங்கேற்பது, டோஸ்ட்மாஸ்டர்ஸ் அமர்வுகள் மற்றும் மாதாந்திர மதிப்பாய்வுகள் போன்ற கூடுதல் அமர்வுகள் எங்களின் அனுபவத்தை மேலும் வளப்படுத்தின. இந்த செயல்கள் தகவல் தொடர்பு திறனை மேம்படுத்தியது மட்டுமல்லாமல் அனைவரின் முன் நின்று பேச எனக்கு நம்பிக்கை அளித்தது.

செயல் திட்டங்கள் மற்றும் குழு ஈடுபாடு

ஜாவாஸ்கிரிப்ட் மதிப்பீட்டில் சிறப்பாகச் செயல்பட்டதில் நான் மகிழ்ச்சியடைந்தேன். இதற்கு எங்களின் பயிற்சியாளருக்கு தான் நான் நன்றி கூற வேண்டும். அவர் அளித்த பயிற்சியால் தான் இது சாத்தியமானது. நான் தமிழ் விசைப்பலகை மற்றும் பலகை விளையாட்டு மேம்பாட்டுக் குழுக்களிலும் சேர்ந்தேன். வலை தொழில்நுட்பங்களை கற்பதுடன் விளையாட்டு மேம்பாட்டையும் ஆராய்ந்தேன்.

பயணம் மற்றும் ஆராய்வதில் ஆர்வம்

குறியீட்டிற்கு வெளியே, எனது பொழுதுபோக்கில் ஒன்று பயணம் செய்வது. புதிய இடங்களைக் கண்டுபிடிப்பது, உள்ளூர் கலாச்சாரங்களை ஆராய்வது மற்றும் நண்பர்களுடன் பயணங்களில் நேரத்தை செலவிடுவது எனக்கு மிகவும் பிடிக்கும். ஒவ்வொரு பயணமும் உலகத்தைப் பற்றியும், என்னைப் பற்றியும் புதிதாக ஒன்றைக் கற்றுக்கொடுக்கிறது. டிசிகாப் சமூகத்திலும் பயணத்திற்கு முக்கியத்துவம் அளிப்பது எனக்கு பெரு மகிழ்ச்சியை ஏற்படுத்தியது.

இந்த வலைப்பதிவு கற்றல், ஆய்வு மற்றும் வளர்ச்சியால் நிரப்பப்பட்ட என் வாழ்க்கை பயணத்தின் தொடக்கத்தைக் குறிக்கிறது. என் தொழில்நுட்ப பயணத்தை மேலும் தொடர்ந்து, மென்மேலும் வளர்ச்சியடைய நான் ஆவலாக இருக்கிறேன். அதற்கான ஒரு அடித்தளமாக பள்ளி அமைந்ததை எண்ணி நான் மகிழ்ச்சியடைகிறேன். இந்த வாய்ப்பை எனக்கு அளித்ததற்காக பள்ளி குழுவினருக்கு என் நன்றிகளை தெரிவித்துக்கொள்கிறேன்.